Tuesday, April 18, 2017
ធ្លាយដំណឹងថ្ងៃ Lee Min Ho ចូលបម្រើទ័ព
បើតាមប្រភពផ្ទៃក្នុងមួយពីផលិតកម្ម MYMបានឲ្យដឹងថា Lee Min Ho នឹងចូលបម្រើទ័ពនៅថ្ងៃទី១២ ខែ ឧសភានេះ។ តារាវ័យ២៩ឆ្នាំរូបនេះនឹងចាប់ផ្ដើម ការបម្រើកាតព្វកិច្ចកងទ័ពរបស់ខ្លួនដោយធ្វើជាអ្នកបម្រើសេវា សង្គមនៅតំបន់ Gangnam។
Lee Min Ho នឹងធ្វើជាអ្នកបម្រើសេវាកម្មសង្គមជាដំបូងសិន មុនទៅជំរំ ដោយសារតែរបួសរបស់គេធ្លាប់មានរបួសគ្រោះថ្នាក់ចរាចរណ៍ដ៏ធ្ងន់ធ្ងរ មិនទាន់ជាដាច់ ជាមួយនឹងលោក Jung Il Woo កាលពីឆ្នាំ ២០០៦។ របួសនេះបានធ្វើឲ្យគេដាក់ឆ្អឹងដែកក្នុងជើង និង ព្រមទាំងបាក់កជើងផងដែរ។
កាលពីដើមឆ្នាំនេះ ធ្លាប់មានការរាយការណ៍ថា Lee Min Ho នឹងចូលបម្រើនៅខែមីនា ឫ មេសា។ ប៉ុន្តែអ្នកគ្រប់គ្រងរបស់គាត់បានបដិសេធ ដោយបាននិយាយថាពុំទាន់បានទទួលលិខិតសំបុត្រទេ។ នេះអាចបញ្ជាក់ថា សំបុត្រនោះទើបតែមកដល់ ដែល Lee Min Ho នឹងចូលបម្រើកាតព្វកិច្ចជាកងទ័ពរបស់ខ្លួនរយៈពេល ២ឆ្នាំ។៕
Subscribe to:
Post Comments
(
Atom
)
No comments :
Post a Comment